Tuesday, November 20, 2012

துப்பாக்கி விஷாலுடன்

15 வருடங்களாக நான் பார்க்க வேண்டிய படங்களுக்கு துணையாக என் பசங்க நகுல்,ரிஷியும் பசங்க பார்க்க வேண்டிய படங்களுக்கு துணையாக நானும். பார்த்த படங்கள் குருதி புனல்,காதலுக்கு மரியாதை,மகாநதி,லவ் டுடே,முத்து,இந்தியன்,ஹேராம்,துள்ளாத மனமும் துள்ளும்,குஷி,விருமாண்டி,பத்ரி,ஷாஜஹான்,யூத்,திருமலை,படையப்பா,
சந்திரமுகி,கில்லி,போக்கிரி,காக்க காக்க என்று போய் கொண்டிருந்தோம்.

அப்புறம் சடாரென்று பசங்க இரண்டும் அவர் அவர் ஃப்ரெண்ட்ஸ்களுடன் முதல் நாள் முதல் ஷோ காலை 8 மணிக்கே(வெளங்கிடும்) போக ஆரம்பிக்க தமிழ் படம் பார்க்க துணைக்கு ஆள் கிடைக்காமல் ஞே என்று முழித்து கொண்டு இருந்த போது தான் தம்பி மகன் விஷாலும் யார் கூட படம் பார்க்க செல்வது என்று பலத்த யோசனையில் இருந்த போது இரண்டு பேரும் செட்டானோம்.வில்லு,வேட்டைக்காரன்,சுறா என்றும் தசாவதாரம்,சிவாஜி,எந்திரன்,வேலாயுதம் என்றும் செம செட்டானோம். ஆனாலும் நொந்து போகாமல் செம படம்,சூப்பர் ஃபைட் ,செம பாட்டு என்று விஷாலுடன் சேர்ந்து அவன் மனம் நோக கூடாதே என்று ராகம் பாடி கொண்டு இருந்தேன்.என் வீட்டுக்காரர் உங்களை நம்பி தான் தமிழ் திரையுலக தாயாரிப்பாளர்கள் பொழப்பு நடத்துறாங்கன்னு சொல்வார்.

ஆனாலும் என் பொறுமையினை சோதிக்கும் விதமாய் விஷாலின் கட்டாயத்தின் பேரில் வெடி,சிறுத்தை,ஒஸ்தி என்று நொந்து போனேன்.எனினும் தமிழ் படம் தியேட்டரில் போய் பார்ப்பதை நிறுத்த முடியாமல் நிச்சயம் ஒரு நல்ல படம் விஷாலுடன் சேர்ந்து பார்ப்போம் என்று நம்பினேன்.ஆனால் விதி யாரை விட்டது.ஒரு கல் ஒரு கண்ணாடி, முப்பொழுதும் உன் கற்பனைகள்,மசாலே கஃபே,சகுனி என்று பார்த்து தள்ளினோம்.

நண்பன்,பசங்க.வே.ஆடு விளையாடு, வானம்,கோ விஷாலுடன் தான் பார்த்தேன். அப்பாடா ரொம்ப நாள் கழித்து நல்ல படங்கள்.

சகுனி பார்க்கும் போது கார்த்தி ஜெயில் போகும் போது விஷால் தூங்கி விட்டது. படம் முடியும் போது எழுப்பி விட்டேன். வெளியில் வந்து என் மகனின் அப்பாச்சிக்கு காத்து இருக்கும் போது விஷால் சொன்னது.மம்மி, கொஞ்சம் சின்ன படமா எடுத்து இருக்கலாம்ல பாருங்க நான் தூங்கியே விட்டேன் என்றான்.நீ மட்டுமா தூங்கின செல்லம் நானும் கொஞ்சம் தூங்கிட்டேன் என்றேன்.

கடந்த புதனிலிருந்து துப்பாக்கி பார்க்க காத்திருந்து நேற்று மாலை காட்சிக்கு போனோம்.

ப்ளஸ்:

விஜய் விஜய் விஜய் விஜய் விஜய் விஜய்

தங்கையை மீட்டு கொண்டு காரில் வரும் போது காலியான ஜூஸ் டப்பாவில் அப்பாவியாய் முகம் வைத்து கொண்டு ஜூஸ் உறிஞ்சுவது,
சத்யனிடம் சஸ்பென்ஸ் சொல்லாமல் காஜலுடன் ஜூட் விடுவது,
ஐ ஆம் வெயிட்டிங் என்று வில்லனிடம் சொல்வது.இன்னும் இன்னும் விஜய் ராக்ஸ்.
காஜலுக்கு நடிக்க வருகிறது. ஆனால், அவருக்கு சீன்கள் கம்மி.
வில்லன் வித்யுத் ஜம்வால் ஸ்கிரீனில் வரும் போதெல்லாம் செம ஸ்டைலாய் இருக்கிறார். மாடலிங் செய்தவராம்.
நல்ல வேளை விஜய் அம்மா அப்பா,தங்கைகளை அழ வைக்கலை.
தப்பு செய்த அதிகாரிகள் செத்து போகும் விதம். கடைசியில் வில்லன் செய்யும் மாஸ்டர் ப்ளான் செம ட்விஸ்ட்.

மைனஸ்:

கடைசி கப்பல் சண்டை. எந்த டெரரிஸ்டும் அதற்கு ஒத்து கொள்ள மாட்டார்கள்.வேறு மாதிரி புத்திசாலிதனமாய் முடிவு இருந்திருக்கலாம்.
தேவையே இல்லாத பாடல்கள்.
வீட்டிற்குள் தீவிரவாதியினை ஒழித்து வைப்பது.
சத்யனுக்கு இன்னும் நகைச்சுவை சேர்த்திருக்கலாம்.


8 comments:

கோவை2தில்லி said...

பரவாயில்லை! உங்களுக்கு படம் பார்க்க விஷால் கிடைச்சுட்டாரா......:)

துப்பாக்கி விமர்சனம் அருமை.

மோகன் குமார் said...

அடேங்கப்பா எம்புட்டு படம் தியேட்டரில் பாத்துருக்கீங்க அப்பப்போ சின்னதாய் அந்தந்த படம் பற்றி சில வரியும் எழுதிருக்கலாம்

படங்கள் லிஸ்ட்டில் நீங்க விஜய் ரசிகர் என்பது நிச்சயம் தெரியுது

துப்பாக்கி ரொம்ப நாள் கழித்து என்ஜாய் செய்ய கூடிய வகையில் ஒரு படம்

திண்டுக்கல் தனபாலன் said...

செம ஹிட்... சுருக்கமான விமர்சனத்திற்கு நன்றி...

உஷா அன்பரசு said...

தியேட்டரை வாழ வைக்கிற நல்ல மனசு உங்களுக்கு.. ! படம்மா பார்த்து தள்ளியிருக்கிங்க.. விமர்சனமும் நல்லா இருக்கு.

indrayavanam.blogspot.com said...

நல்ல விமர்சனம்

பாலா said...

விமர்சனத்தை விட படம் பார்த்த கதை சுவாரசியம். நன்றிங்க

மாற்றுப்பார்வை said...

அருமையான பதிவு.

Suresh Kumar said...

இந்த பதிவை படிக்கும்போதே தெரிகிறது நீங்கள் எவ்வளவு குழந்தையாக படங்களை ரசிக்கிறீர்கள் என்று ! அந்த பாக்கியம் எல்லோருக்கும் வராது !